كبة الراهب من نورما العلي جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. احنا صبايا من نكهه عربيه كل شهر صبيه بستضيف وصفة من بلدها تاريخيه من التراث اجدادنا وبتعرف الصبيه عن مسمى الوصفه وسبب التسميه وسبب عملهم الها في القدم.. واحنا البنات بنطبقها وببداية كل شهر بننشر تطبيقاتنا للمواقع وهالشهر معنا وصفة كبة الراهب من لبنان وهاد تطبيقي الها.. تعو اعرفكم ع الوصفه .. الاكلة قصتها حكاية من اكلات التراثية وبالذات بالضيعة اللبنانية متل ما بتعرفوا تشتهر الضيعة اللبنانية بالمونة واهمها البرغل وبتكتر اكلات البرغل بالشتوية واكلتنا اليوم تراثية بامتياز ومتل ماوبيقولو عناوباللهجةواللبنانية من اح الاكلات الضيعجية اسمها كبة الراهب وتنعمل كتير بالشتوية وبالذات كانوا يتدفوا على صوبية الحطب وكانت ست البيت تحط طنجرة الطبخ عالصوبية كانت الصوبيات كمان متل الفرن الها جارور للخبز بذكرها قديما عند اهلى حاصلهم طنجرة كبة الراهب عالصوبيا من فوق وصينية الكبة بجارور الصوبيا

• 3 اكواب برغل ناعم بصلة
• 2 كوب طحين
• ملح
• بهارات(كمون+ قرفه+ فلفل اسود)
• لنسوي الكرات (كبة الراهب)
• 2 لتر مي
• توم مهروس
• نعنع ناشف
• معلقه ك نشا
• 2 م ك دبس رمان
• 0.25 كوب زيت زيتون
• الحشوووه:
• 0.5 كيلو بصل
• معلقتين اكل سماق
• 0.25 كوب جوز مفروم
• ملح
• 0.25 كوب زيت زيتون

• 1   3 كبايات برغل ناعم للكبة نغسله ونرمي ميته ونتركه مبلول شي ساعة ليتش البرغل بعدها نفركه شوي عالايد ونبخه بربع كوب مي شوي شوي وبعدها
• 2   بعدها نفركه شوي عالايد ونبخه بربع كوب مي شوي شوي وبعدها نطحنه على مكنة اللحمة بعدين نطحن بصلة كبيرة مع شوية من البرغل ونزيدها عليهم
• 3   ونزيد البهارات فلفل اسود نص ملعقة شاي كمون قرفة وندعك البرغل بعدها نزيد عليهم 2 كوب طحين شوي شوي وكل ما زدنا طحين نبخ بخة خفيفة ماء وندعك لتصير عنا عجينة دبقة
• 4   جربيها كوري قطعة صغيرة وشوفيها اذا تكورت منيح وما فتت يعني العجينة كويسة ونقسم العجينة ربع و3 ارباع ربع نقطعه كور صغيرة قد حبة المشمش نكورها
• 5   وبالنص ندخل الاصبعوشوي ليصير فيها تجويف بعدها نغلي 2 لتر ماء ونسقط الكور فيهم نتركهم يغلو على نار خفيفة 10 دقايق
• 6   بعدها نضيف 4 حط توم مهروس 2 ملعقة دبس رمان ربع كوب زيت زيتون وملح ونص ملعقة شاي نعناع ناشف وملعقة نشا كبيرة ندوبها بملعقة ماء ونزيدها بس ليتقل الصوص شوي ونطفي عليه
• 7   نجي لقسم العجين التاني نحضر الحشوة نص كيلو بصل نقطعه شرايح وندبلو بزيت زيتون ويعدها نزيد عليه 2 ملعقة اكل سماق وربع كوب جوز مفروم خشن ورشة شطة وملح
• 8   بعدين نرق طبقة عجين نحطها في صينية مدهونة زيت نحط الحشوة ونرجع نغطيها بطبقة عجين نقطعها متل ما تحبو شكل التقطيع
• 9   ونحط عليها ربع كوب زيت زيتون وندخلها الفرن نص ساعة وكم دقيقة من فوق لتش